O‘zbekiston xalq yozuvchisi, drammaturg, satirik, publitsist va tarjimon Abdulla Qahhorning memorial muzeyi umrining so‘nggi yillarida yashab o‘tgan uyda joylashgan.

Muzey ekspozitsiyasi memorial va adabiy qismlardan iborat. Memorial qismi yozuvchining mehmonxonasi va ijodxonasidan tashkil topgan. Adabiy qismda adibning hayotligidagi ish holatiga ega bo‘lgan va yozuvchiga tegishli turli buyumlar bilan jihozlangan ish stoli saqlab qolingan. Abdulla Qahhor kutubxonasida ko‘plab qo‘lyozmalar, kitoblar, jurnallar, rus va jahon klassiklarining asarlari, ilmiy nashrlar, ensiklopediyalar va adabiy ma’lumotnomalar saqlanadi.